Poslovne vesti - Makedonija

Чартер лет Скопје - Будимпешта

Во рамки на дводневната посета на македонската делегација на Унгарија, се зборувало и за отворање директна чартер линија меѓу Скопје и Будимпешта.

„На разговорите на првата седница на Мешовитиот комитет за економска соработка меѓу Македонија и Унгарија беше присутен и главниот извршен директор на „Визер“, кој потврди дека веќе има иницијатива за отворање на ваква чартер линија“, информира министерот за економија Валон Сараќини, кој е на чело на македонската делегација во Унгарија.

Министерството за економија на Македонија и унгарското Министерство за национална економија вчера потпишаа договор за соработка во областа на туризмот. Со него, унгарските туроператори ќе се обврзат за време на зимскиот и летниот период да донесат туристи во Македонија.